يا عيب الشووووم :(
عدد القراءات 544 زيارة
أول شي أنا اسمع دايم هالعبارة ” يا عيب الشوووم ” بس اللي فهمته منها أنه عيب على الواحد يسوي هالشي 
كأن كلامي صاير هندي ..! المهم أنا فيني قهر وهالبوست عامي في عامي حدث موقف و ” فاقع مرارة مرارتي ” ..
كنا طالعين لكوفي شوب في الخبر نفطر.. وهذا الكوفي الحقيقة يجنن أكله وقهوته مررره حلوه .. وعادة لما الواحد يدخل أي محل يتشوف المكان المناسب له عشان يجلس وهو مرتاح .. المهم أول ما دخلنا وقفت أدور محل كويس وإلا تجي عيني ع منظر من غير ما أحس ” شهقت ” وتسمّرت مكاني بعدين أهلي قالوا فضحتينا وش فيك ؟ أكلت حبة الصمت وقلت لهم بعدين وجلسنا وأنا أغلي بداخلي يعني الواحد ما يقدر يغيّر جو مع هالأوادم ” قلة حيا ” تصدقون ضاق صدري مع أني أحب أكل هالكوفي وجلست أتفكر كيف وصل الحال فينا إلى هذه الدرجة .. طاولة عليها مجموعة عجايز 
ماشاء الله عليهم لا غطا ولا يحزنون free ويتضحكون ولا عليهم قلت : يا الله حسن الخاتمه .. وطاوله عليها بنات طبعاً الوجه مثل ما يقولون مش حرام ..! كاشفات والماكياج الخفيف يعني ما عاد في أحد يتغطى إلا من رحم ربي ..! بس ظليت أتساءل بالنسبة للموقف اللي شفته في البداية ” كأني دورت راسكم ” هالرجّال اللي كان جالس مع الحرمه يبوس فيها ” يبوس أيديها “ مالقى مكان يبوسها فيه إلا ع الملاً والله عيب تبغى تسوي شي عندك بيتك ..! وبعدين الظاهر الرجوله أنعدمت في هالزمان والرجال ماعادوا رجال وعندهم غيره لكن ما أقول إلا ” يا عيب الشوووووم ..! “
22 يونيو 2008 في الساعة 11:37 ص•
و يا عيب الشوم ..
و لا تعليق ..
22 يونيو 2008 في الساعة 11:58 ص•
كنت مثلك اطالع بللي حوولي وانتقد
بس مع الوقت اقتنعت بداخلي انها حرية شخصية كيفهم هم
مدام اني ماقدر اغيره ليه انتقدهم
هذا بالنسبة الا البنات ولا ع قولتك العجايز الا يكشفون
وترى جد مااحب كلمة العجايز الانثى انثى لو ومهما كان عمرها
اما بالنسبة اللي يبوس خيييرا لو انا منك كان عطيتهم نظرررره
يمكن يستحوون يعني المكان مو مناسب كووفي..
لو كان بحر ولا مطعم راقي يمكن أتقبل هالشي
لكن كووفي من القلب ياعيب الشوم
وتحياتي يابعدي
22 يونيو 2008 في الساعة 12:01 م•
أخوي بندر
بالفعل أحياناً الواحد ما يقول إلا اللي أختشوا ماتوا
ربي يحفظك ..
22 يونيو 2008 في الساعة 12:06 م•
ليان
صحيح حنا نشوف أمور وننتقدها في مجتمعنا لكن وبعدين
كيف واحد يرضى على نفسه يبوس زوجته كذا علناً ..!
الخطا إذا زاد انقلب ضدنا
وبعدين صحيح في حرية لكن مو من حرية الإنسان يخدش الذوق العام .. يبغى يسوي شي يسويه بينه وبين ربه مش قدام الناس
أنا لما شفت المنظر كرهت نفسي أيش هذا علني .. كان يبوسها وهو هايم الحقيقة مش حلوه طيب وين الحيا من الله قبل الناس
وبالنسبة للحريم الكبار أنا قلت عجوز من باب السخرية ولا حرمه كبيرة تكون صاحبة وقار .. ألحين صارت الحرمه الكبيره تنافس المراهقات
وربي الواحد وين يروح إذا صار يشوف هالنماذج ويعرف أنها خطأ .. يعني ما انتنفس أنخلي الأماكن لهم ولا كيف .. ؟!
ليان مودتي غاليتي ..
في حفظ الرحمن
22 يونيو 2008 في الساعة 4:06 م•
:| لا زودوووووووها بصراحه
جالسة مع خويها وبلعناها وسكتنا
كاشفين قلنا امرنا لله
يتمصخرون وتقوم وحده من البنات تهز وترجع تجلس وقلنا معلية
يدخون وقلنا نمشيها
وتوصل لهذي الدرجة :| ..
وش تقرب له طيب ؟؟ >> :|
22 يونيو 2008 في الساعة 5:03 م•
عزيزتي ندى..
أي نعم..نخلي هالأماكن لهم..لأنها تخصهم..هي مواقع تناسبهم..في هذه الأماكن يعصى الله فلماذا أتواجد بينهم حتى إذا أراد الله أن ينزل بهم العقاب نزل بي معهم؟
أسألك سؤال: هل رأيتِ يوماً شخصاً يقرأ القرآن أو يعمر المكان بذكر الله في كوفي شوب؟ وكيف تكون هيئة كل من يذهب هناك؟ وهم أصلاً على ماذا يجتمعون؟
هذه الأماكن ليست لنا ..نحن لا ننتمي اليها، وقديماً كان سلفنا الصالح يتورعون عن التواجد في أماكن الريبة حفاظاً على سمعتهم.
حفظ الله قلبك من كل سوء.
22 يونيو 2008 في الساعة 5:09 م•
هلا مضيعة بيتهم
وأنا أقرأك حسيتك واصله حدك ومعصبه
وبالفعل هذا شي يقهر .. الإنسان اللي عنده غيره ع أوامر ربه ينقهر لكن للأسف في ناس صاروا متعودين من كثر ما يشوفوا وإذا شافوا الخطا قالوا عادي وهذا شي يخوف 
لا بد من الإنكار ع الأقل في أنفسنا ..
والله عاد سؤالك وش تقرب له مدري
تخيليني وأنا أسأله وش تقرب لك ( وجه يبكي ) يمكن ألقى نفسي بالشارع 
المواقف كثيره صرنا نشوفها لكن مانملك حيالها إلا الصمت للأسف الشديد ..
تصدقين مره طالعين مع أخوي نتغدا وكان يوم دوامات يعني العالم لاهيه وأول ما فتح المطعم حنا اول ناس
ما باقي إلا نفتح لمبات المحل المهم وحنا داخلين كان أطيح لك على بنت شكلها خايف ويتتلفت وراها وشكلها مريب مع سواق لحالها المهم كانت تنتظر أحد وفجأة ظهر واحد ودخلوا مع بعض كأنه زوجها 
..
والخافي اعظم ..
جلست أدعي لهم بالهدايه وقلت مدري احط لهم أنشودة بكيت عيني للعفاسي بجهازي يمكن يحسون .. بس قلت والله مش حاسين فيني .. سوالفهم في طاولتنا وكانت تضحك بصوت مقزز حتى أني خجلت من أخوي وتمنيت تنشق الأرض وتبلعني من الخجل
ربي يستر ع المسلمين ..
مضيعة ..
ربي يستر علينا فوق الأرض وتحت الأرض ويوم العرض وجميع بنات المسلمين ..
22 يونيو 2008 في الساعة 5:51 م•
مساء الخير …
ستر الله على جميــع بنات المســلمين ( آميــن ) ، أختي إن الأنثى إن تخلت عن الحيــاء فسد كل شئ بها …
إن أجمـــل ما أشاهدها بالأنثى هي الطهارة والعفــة وجميــع رجال هذه الأرض يبحثــون عن ذلك ومن لديــه غير ذلك فهو والله كاذب ، ما زلت أعتقد أن التربيـــة لها دور كبير في ذلك !
بحفظ الرحمــن
22 يونيو 2008 في الساعة 6:21 م•
حبيبة قلبي كون
لِمَ ندع لهم هذه الأماكن هم من يختبيء لا نحن ..
هم من يجب عليهم الخجل من فعلهم لا نحن ..
صحيح الواحد منّا يخاف ع نفسه من تصرفاتهم .. وابتعدنا يا كون من كل الأماكن والنهاية ..؟!
صدقيني يا كون في أماكن ما أدخلها والسبب تصرفات الناس الغير مبالية ..
لكن النفس تحتاج الترفيه والفتن في كل مكان وعلى قدر استطاعتنا نبعد عن كل ما يغضب الله ..
وشكل الأماكن كلها بتكون لهم
ربي يصلح الحال ..
كون مداخلتك تسعد قلبي دايم ..
ربي لا يحرمني منك ..
22 يونيو 2008 في الساعة 6:22 م•
آدم ..
حياك الله أخي ..
بالفعل أجمل ما في المرأة حياءها ربي يجملنا بالحياء وبنات المسلمين ويهديهم للحق ويصلح شأنهم ..
في حفظ الرحمن ..
22 يونيو 2008 في الساعة 11:35 م•
ندى الفجر
عارفة حكاية إني أشوف أحد كاشف سارت تهون عندي قدام مناظر كذا تصدقين ماما ماعدت تحب تخلينا نروح هالاماكن ومعاها حق
والله عيييييييييييييييب ع الأقل يقعدون في السيارة
23 يونيو 2008 في الساعة 1:45 ص•
،
وماذا بعد (ياعيب الشوووووووم) ؟
23 يونيو 2008 في الساعة 5:35 ص•
حبيبة قلبي مشاعل
صباحك ورد ..
يفترض على المسلم والمسلمة في الأماكن العامة يلتزموا الذوق العام ومراعاة مشاعر الآخرين ..
حتى الذوق بدأ يتسرب .. الله المستعان وش يبقى لنا ..:(
ربي يحفظك ويعينا أجمعين على طاعته وعبادته ..
23 يونيو 2008 في الساعة 5:39 ص•
هلا النهى
صباح الورد يا وردتنا
وينك يالغالية وحشتينا
بالفعل واذا بعد الواحد صار يخاف من كل شي على نفسه في هذا الزمان
ربي يحفظنا ولا يجعل الدنيا أكبر همنا ..في حفظ الرحمن ..
23 يونيو 2008 في الساعة 6:39 ص•
اختي على الموقف ذاته ماعندي تعليق
لاني مثل غيري شفته بس بمكان ثاني ومكان (علم) مش كوفي شوب
ولكن عندي نصيحه
مجرد النقد بيظل نقد ولا بيقدم ولا بيأخر
فالافضل لو يكون بشنطه يدك دائما كم شريط لمحاضره وهم الحب
او عن اي وضع تشوفيه حرام
او كتيبات صغيره عن الاحتشام والعفاف و .. و .. و
وصدقيني ماعليك الا وانتي خارجه بصمت تحطيها قدام البنت
لانها وان كانت عاصيه او غافله الا انها تظل اخت لنا في الاسلام والواجب نصحها
هذا ابسط شى ممكن نعمله والله ولي التوفيق
وماتدري يمكن يكتب هدايه احدهم بفضل فعلك هذا .. المهم جربي
وبخصوص الكاشفات , صدقيني بعضهم فيهم خير كبير
انا نفسي كنت كاشفه , وكنت عندي قناعه انه مش حرام
وماحد قدر ينصحني حتى ابلغ المتحدثين
ولكن صدفه ولله الحمد قابلت شابه ريفيه بسيطه قالت لي :
(مو حرام هذا الوجه الجميل يشوفه اي عابر سبيل )
حقيقي هزتني هذه العباره مو لانها مدح .. لا والله
ولكن لانها نطقتها بمحبه وعطتني احساس حقيقي انها تسعى لخيري
وكالعاده قلت لها ” اختلف العلماء ومو حرام ”
قالت ” ولو اختلفوا وين قلبك , او عقلك ”
وحقيقه انتهاء الحوار عند هذه النقطه وتركتني , ولكنها تركت في قلبي اثر
اثر دفعني ابحث عن الحقيقه والحمد لله اقتنعت
كاشفه او غير كاشفه صدقيني كل مسلم في قلبه بذره خير
يحتاج بس من يرش عليها شويه ماء تساعد البذره تتغلب على جفاف القلب
وتنبت اجمل زهره
اسفه على كثر ثرثرتي
والله يوفقك
23 يونيو 2008 في الساعة 10:23 ص•
واللي يشيل شنطة حرمته وهم ماشيين في السوق اش نقول له?
واللي ماسك حرمته (برة السعودية طبعاً) وماشي لازق فيها تقولي بتضيع منه والا مزوجينهم بعد نقاشات وطاولات ومؤتمرات!!
واللي أدهى وأمر يا ندى اتنين بيسافروا سوا وهم ما يقربوا لبعض أساسا!!!
بس قولي يا إنسان لك الله!
23 يونيو 2008 في الساعة 5:52 م•
زمرده غاليتي ..
كلامك درر
وهذا يفترض على كل مسلم ومسلمة النصيحة لوجه الله ( الدين النصيحة ) لكن حتى النصيحة الآن تحتاج من يقدر عليها .. ويكون عنده أسلوب وحكمة في التعامل مع الآخرين حتى يوصل لهم الرسالة ..
لكن ربي يعين ويعينا على النصيحة بالتي هي أحسن.. صدقيني ياما نصحنا ناس واعتبروها أهانة ولقينا منهم الجفا لكن الله العالم بلي في القلب وحنا نبغى الأجر من عنده ولازم نتحمل في سبيله كل شي ..
ربي يحفظك ويعينك على طاعته واتباع أمره
23 يونيو 2008 في الساعة 5:54 م•
أسومه هلا ورحب ^_^
كل اللي قلتيه واقع ومشاهد والأيام الجايه بنشوف أكثر ..
صار الناس ماعندهم أي اهتمام بالعرف والعادات ( مسألة الحلال والحرام واضحه للكل ) ..!
كل الشكر لك غاليزتي
في حفظ الرحمن ..
23 يونيو 2008 في الساعة 7:16 م•
asma
بتفجعي البت D: حرام عليك بجد …. خخخخخخخخ بتطب ساكتة الحين.
كافي صدمتها في هذول.. تزيديها بالأدهى والأمر …
ندّو..
الأدهى وربي وربك يحفظنا من كل شر، وع قولة واحدة: ( الله يجعلنا غافلين عن هالأشيا )
لما ترتكب الفاحشة في الشارع بداخل سيارة .. عيني عينك… ولا من يردع .. ولا حسيب ولا رقيب من البشر..
وتمري من جمب هالسيارة وانت بداخلك تقولي يارب تولع فيهم نار … لولا أني “بنت” وخفت على نفسي.. كان بجد كسرت روووسهم الاثنين.
عاد بس… تخيلي الصدمة على وجهي .. ما نمت طول الليل .. وأنا أقول يارب رحمتك ومغفرتك.
23 يونيو 2008 في الساعة 8:21 م•
نزع الحيـاء .. ياندى ..
: (
23 يونيو 2008 في الساعة 9:10 م•
غيود
أنا مفجوعه ع الجاهز
من اللي أشوفه في كل مكان يعني وين نروح .. تصدقين زهدت الحياة كل شي فيها ممل وقرف للأسف .. مليت هالناس اللي يعتقدون أن الإنحلال تحضّر ..
كله ع راسك 
مش عارفه .. نظل بالبيت وما نطلع .. أن رحنا مجمع هالبنات وهالشباب ما غير ملاحق في بعض وكأن الحياة صيدني واصيدك .. كأن عقولهم مفرغه سخيفه .. طيب وبعدين وتجي ع هالبنت طاقه لطمه وماكياج وربي ذاك اليوم عشره عليها من كثر ما راسهم داير مش عارفين وين يطقون براسهم .. كان نفسي أقولها الله يهديك وش امسويه في هالعالم
أحياناً أقول وين زمان قبل
ليه الناس صارت كذا
غيوده ..
الله المستعان ..
هذا الزمن اللي قال عنه رسول الله بتشوفون المنكر قدام عيونكم وماحدن راح ينكر
غيود .. ع فكره أفتقدك
في حفظ الله ..
23 يونيو 2008 في الساعة 9:10 م•
آلاء ..
نزع وبقوه
ربي يحميك يا لغاليه ..
24 يونيو 2008 في الساعة 11:07 ص•
من جد قلة حيااااااااااااااااا
24 يونيو 2008 في الساعة 6:13 م•
أعاند احساسي ..
ربي يهديهم للخير ..
24 يونيو 2008 في الساعة 6:33 م•
الله يصلــحهم ويهديــهم..
24 يونيو 2008 في الساعة 7:05 م•
آمين يا همس
24 يونيو 2008 في الساعة 7:44 م•
مشكلتنا نقلد الغرب وصرنا مانفرق بين الحرية الشخصية وقلة الحياء وأحترام الآخرين ..
نطبل ورى المطبلين وورى التافهين ونصوت معهم بأعلى صوت نبغي الحرية الشخصية وحنا أصلا أحرار من يوم حررنا محمد صلى الله عليه وسلم من عبادة الأوثان إلى عبادة رب العباد حنا أحرار لكن حرية مقننه ومضبوطه بضوابط تعطي كل شخص أحقيته حرية تحفظ للشخص كرامته عن البهيمية والعنجهيه ..
ومافعل هذا الا قلة حياء وانعدام للمروءه ..
24 يونيو 2008 في الساعة 8:20 م•
أخي مساعد ..
حياك الله ..
بالفعل ما نراه الآن تقليد من عقول أصبحت مهمشّة لا تحمل فكر سليم أو مبدأ تؤمن به ..!
الأدهى والأمّر أصبحنا نرى قلة المرؤة وانعدام الحياء في كل مكان نذهب إليه ..! ترى الأم متستره والبنات كاشفات بدون طرح تسترهن للأسف وربي محزن مانراه
لكن على من نلقي باللوم ..؟!
في رأيي كل إنسان مسئول عن تصرفاته وسلوكياته والحمدلله نحن في بلد الإسلام .. ربي سيسأل كل نفس عن عملها ولها أن تعد الإجابة لهذا اليوم ..1
نحن في زمن الفتن القابض على دينه كالقابض على الجمر
ربي لا تفتنا بهذه الدنيا الفانية واجعل الآخرة هي همنا ..
حفظك الله ..
24 يونيو 2008 في الساعة 11:53 م•
من راقب الناس مات غما ً يا ندووو
عارفة ليش ؟
لأنك راح تشوفين مناظر كثير ما تعجبك دامك برا بيتك
وأفضل حل فعلا ً إنك تغمضين وتخلينك في حالك ..
الحين انتي تتكلمين عن اللي شفتيه بالسعودية
كيف لو كنتي برا مثلا ً
طنشي يا ندى طنشي
25 يونيو 2008 في الساعة 3:10 م•
هذو
حبيبة قلبي ..
أنا لم أراقب الناس ولكن في مواقف تشوفينها كذا غصب عنك
لو كنت برا مارح أتذمر لأنهم كذا عايشين من غير هدف ولا مبدأ حياة ولا عقيدة ..
ولكني أنا مسلمة أحزن لما أشوف وضع مثل كذا في بلدي والمنكر منكر ما يتغير يا هذو
ماقدر أطنش واعيش كذا بلا أحساس ..
في امور تهم الواحد وحتى الهم والحزن اللي نحزنه على من ضلوا الطريق نؤجر عليه يا هذو ..
ربي يحفظك يا قلبي ..
25 يونيو 2008 في الساعة 8:17 م•
هذو ترى ما أقصد عن برا السعودية اللي هم كذا وحياتهم كذا
أنا أقصد شوفي ربعنا ” السعوديين ” لما يروحون براا :|
عجب عجااب عجاب عجااااااب يا ندوووو
وهذا جمبه ولا شي
هذا بعد ترى وهم مستحين منا :D
أما برااا ..
:\
26 يونيو 2008 في الساعة 5:46 م•
هذيان الحبيبة
اللي يسافرون براه هذا هم ثاني
والله رب الكون في كل مكان مو في السعودية بس لكن هذا راجع لاعتقاد الرء ومبادئه
ربي يهديهم لكل خير وصلاح يا هذو ..
ربي يحميك من كل شر ..
30 يونيو 2008 في الساعة 6:45 ص•
يجب ان نعود لتربية الأبناء ياندى ..
ففي السابق كانت هناك تربيه من أجل أن يكون الولد صالح لنفسه ولدينه ..
وأما هاليومين صارت التربيه علشان يكون الولد يجملني قدام العالم .. ويحرصون ان الولد حلو وكاشخ .. والبنت كووول ودلوعه … وصار اللي يحكم العالم عيب وعيب .. ونسو حلال وحرام ..
وعلى قولة اخوي محمد ” ابني ابنك ولا تبني له “
30 يونيو 2008 في الساعة 1:01 م•
أخوي ابراهيم
حياك الله ..
بالفعل بفتقد الأبناء إلى :
- التربية ..
- الأحتواء ..
- الحوار ..
- الجو الأسري النظيف
ربي يهدي الجميع ..
في حفظ الرحمن ..
4 ديسمبر 2008 في الساعة 2:42 م•
عييييييب جدا احنا عايشين فين يعني؟؟
اما بالنسبه على تغطيه الوجه انا بصراحه ما أغطي وجهي اصل انا قرأت انه مش واجب بس طبعا مش بحط مكياج
هو تغطية الوجه واجب؟؟ انا عارفه انا سؤال غبي بس ياريت تردي علييييييه ومشكووووره
مع خالص حبي