أسراري الـ 6 :)
عدد القراءات 456 زيارة
مررت لي رفيقة دربي وردة وفا 
واجب طلّعت عيني إلا أحله 
وطبعاً عشان ما يصدع راسي قررت أحله وأمري إلى الله وع السريع صممت تصميم رسمته وحطيت لكم أزرار ع الجنب يعني حركه يقال لك وبعدين عملت تبهيره عن طريق الفوتوشوب .. ترى كل هذا عشان عيونكم الحلوه اللي تقرأني .. قلت أفتح نفسكم لأسراري السته ^_^
الواجب يقول يا حبايبي :
تحدث عن ستة أسرار لا يعرفها من يقابلك لأول مرة
1 – هادئة لما اجتمع بناس ما أعرفهم ما أتكلم تقولون ماكله حبة الصمت بس أوزع ابتسامات ع خلق الله ” طيوبه أنا ” .. إلى أن تألف روحي المكان ومره وحده ما تعرفني قالت عني متكبره ” طيب صبري عليّ شوي ” الظاهر يبغون الوحده مهرج من البداية طبعاً لين آخذ ع الجو أسولف وأدخل مع العالم ” يعني بالفصيح اجتماعية ” ..
2 – أحب الفرفشه وهالنقطه متعلقه بسابقتها إذا عجبني الجو ..
3 – ما أحب الغيبة في المكان اللي أجلس فيه .. أنتوا عارفين أن البعض ما يحلى له الكلام إلا بالحشّ في خلق الله وهذا الشي يضايقني كثير ..
4 – أحب لما اجتمع مع ” نفرات كتير ” أن المكان يكون فيه ذكر الله ” لو بكلمة أستغفر الله المهم يكون فيه خير ما أحب يضيع الوقت لأنه مهم بالنسبة لي ..
5 – أمممممم وشو بعد ما يعرفه الناس اللي يقابلوني أول مررررره ..! آه تذكرت لما يسمعون أني معلمة تنرسم على وجهيهم علامة تعجب ” يقولون يؤ يؤ شكلك ما يبين أنك مدرسه ” ليه المعلمات لهم شكل معين ..! يعني مثلاً نازلين من القمر .. ؟! وإذا عرفوا أني معلمة دين بعد يقولون شكلك مو شكل معلمة دين .. ؟؟؟؟ !!!
6 – أحب الترتيب في كل شي يعني ” بصريه ” وسلامتكم .. وش رأيكم بأسراري ” قنبلة الموسم ”
طبعاً الواجب يقول مرره لستة مدونين وأنا بمرره لـِ :
1 – غيود حبيبة قلبي ” راح تذبحني “
2 – هذو ” أشكد أحبها هالبنوته “ / وبما أن الأخت هذو حلّت الواجب بحوله للأخ / ماشي صح ..
3- female ” لها في قلبي مكان “ / وبعد بما أن فيميل حلّت الواجب بحوله للخلوق ..
6 – مضيعة بيتهم ” حبوبه هالبنت “
19 يونيو 2008 في الساعة 11:00 م•
اكتر شي عجبني انوما تحبي الغيبه في المجلس
شي حلو
وربي يزيدك يا شيخه
و مو مشكلة حبيبي على تمرير الواجب
كل الا ممرتيلهم اخواتي واكانهم أنا
;)
ومعليش لو بقصر في زيارتك يا حلوة
بس ادعيلي والله الاختبارات اخد الوقت
20 يونيو 2008 في الساعة 12:43 ص•
انتي غشااشة : D
أنا حالة الواجب قبلك يا معلمة يا كسلانة : P
يلا يلا بس اشطبي اسمي وحطي اسم غيري
وترى من أول انا اقول انك هادية موب سر يعني : P
20 يونيو 2008 في الساعة 1:38 ص•
.
أولاً هلا ..
سانيا ً : يا أبلتي .. حلك ناقص .. وين الشروط .. لازم تذكرينها .. راحت عليك درجه ..
وبعدين الله يسلمك إذا ما قرقت على راسك ما راح تحلينه ..
سالساً : حبة الصمت ورانا ورانا .. المشكله بتكبر وبتصير كبسوله .. :-#
20 يونيو 2008 في الساعة 1:51 ص•
بتذبحك قليلة بس !!!
يا بنت احنا خلاص ع ناية السنة… وعملي مريع ع آخر السنة وأول السنة..
أحل الواجب على شرط…
( تكتبي لي الميزانية حقت السنة الجاية كاملة لإدارة النشاط، وخلّي بالك الميزانية تكون ع حدود 40.000 ريال “لو انت شطورة ، عشان الخناقات لاحقاً مع الشؤون المالية “..
وكمان تعملي احتياجات ادارة النشاط للسنة الجاية.. أهم شي .
وكمان …. الجرد السنوي… جرد للمكاتب, الكراسي, الدواليب وتصنيفها “دعم خارجي ولا مستودعات” .. وبالطبع جرد لجميع الأجهزة الموجودة.. والموضوع ما يقتصر على أجهزة الكمبيوتر واللابات.. إنما … كل شيءءءءءء… حتى الأجهزة الخاصة بالنادي الرياضي .. والأجهزة الفنية للنادي الفني.. والأجهزة الموجودة في المكتبة ( شفتي كيف الشغل بس ) ،
أخيراًًًً… لابد تتأكدي من اعتمادهم لخطة نشاط السنة الجاية… ضروري جداً !!!!!!
بعد ده كله,,,, أفكر أحل واجبك.. ( ده أنا ح أعمل فيك يا قاتل.. يا مقتول … ولا يا طخه يا اكسر مخه ) !!!!
يا ويلك من الله بس ،،،،،
20 يونيو 2008 في الساعة 5:33 ص•
حل موفق
اول نقطة لا اعتقد انها تسمى اجتماعية لان الإجتماعية ان تدخل مباشرة في الجو دون صمت قبله
يمكن غلط مادري .. على العموم بنمشيها هذه المرة 
..
جميل ان يكون بالمجلس ذكر لله وتذكير به حتى لايكون مجلس حسرة يوم القيامة وجيد ايضا ان يذكر في نهاية المجلس دعاء كفارة المجلس ..
20 يونيو 2008 في الساعة 8:52 ص•
بشوره صباح الورد يا قلبي
ربي يوفقك في اختباراتك وتطلعي الاولى يا بت ^_^
أنا سعيده لزيارتك يا بشورتي ..
والله يعينا جميعاً على طاعته
في حفظ الرحمن ..
20 يونيو 2008 في الساعة 8:54 ص•
هذو
يا هلا يا مرحبا
مرحبآ ألف
شوفي من ناحية كسلانه كسلانه
الواجبات هاذي أتثيقل أحلها 
بس وردة وفا اذبحتني وهي تحت حلي الواجب حلي الواجب
ربي يحفظك يا قلبو
في حفظ الرحمن ..
20 يونيو 2008 في الساعة 9:00 ص•
هلا وردة وفا
صباحك ورد حبيبتي
تعالي من متى تتكلمين مصري ما عهدت عليك هالشي .. لا يكون مصادقه مصريه من وراي
أنا متعوده اتكلم مع طالباتي مصري وسوري ” واللزي منو ”
ما علينا
بالنسبة لتنقيص الدرجات مو مشكله لأنك دايم تحبين تنقصين درجاتي
هذا شي .. والشي الثاني قلت في نفسي ماله داعي الشروط خلني أختصر الوقت عشان اللي يقرأوني يعني وحده تحب الأختصار 
سالساً .. على قولتك حبة الصمت ورانا ورانا .. هذا مبدأ في حياتي [ من كان يؤمن بالله واليوم الآخر فليقل خيراً او ليصمت ]
رابعاً يا ختشي ” بالمصري بعد ” أنا أعطي نفسي عشره ع عشره ” وجه مطلع لسانه ” كيفي
وإذا كان ع الدرجات أنا أعطيك في حل الواجب خمسه من عشره لأسباب بقولها لك في التلفون 
خامساً أسعدتني زيارتك ولي كلام معك بالتلفون مثل ما قلت لك
في حفظ الله ..
20 يونيو 2008 في الساعة 9:02 ص•
غيود اللي حبيبة قلبي ^_^
كل هذا ع راسك
صدقيني لو كنت مكانك قدمت استقالتي من زمااااااااان .. أنا مجنونه أدوش راسي أبهذا كله 
وبعدين أنا أكره الرياضيات من يوم طلعت من بطن أمي
حنا يا المدرسات دوبنا أمصحصحين ^_^ وكلها شهرين ونرجع للجهاد
شوفي حتحلي الواجب حتحليه مو بكيفك
سلام يا حلوه ..
20 يونيو 2008 في الساعة 9:05 ص•
حر اليدين ..
حياك الله أخوي ..
أنا اجتماعية بس لازم أول شي أعرف الناس اللي بتكلم معهم وأعرف كيف نفسياتهم وهل هم يتقبلون المزح ولا لأ
لأنك تتعرف على ناس جدد ومش حلوه أدخل ع طول هرج ومرج مع الخلق 
صح الكلام ..
بعدين لما أعرف طبيعتهم أبدأ بالذي منو
أنا سعيده لزيارتك ..
في حفظ الرحمن ..
20 يونيو 2008 في الساعة 7:20 م•
الف شكر لك
20 يونيو 2008 في الساعة 8:49 م•
ههههههه تصدقين يا أبلة :
يبغالك تكتبين لائحة بحياتك كلها وايش تسوين وليش وايش الفايدة ما شا الله علييييك ما في شي نا قص فيك تدرين انا قاطعة على نفسي وعد اني بصييير زيك بالضبط#استنساخ# لا واذا كبرت وجاني فارس احلامي و الله رزقني بذرية اول بنت لي بسميها امنة هههههه انشا الله بإذنن اللله تعالى لا واذا تلاقينا بعد هذي السنييييييييين كلها بثبت لك..
21 يونيو 2008 في الساعة 4:34 ص•
وصل وصل والله يعين ع الحل :D
-
الله يثبتك يا ندى
الغيبة اعوذ بالله صارت تطلع من غير شعور من كثر ما نغتاب وهالشي حايس مريري الله يفكني منه هههههههه
21 يونيو 2008 في الساعة 1:23 م•
نحو الحرية ..
شكراً للزيارة
21 يونيو 2008 في الساعة 1:25 م•
اللؤلؤة البيضاء
حياك الله أختي وربي يوفقك ويسعدك وتصيرين أفضل مني ويرزقك ربي الزوج الصالح اللي يعينك ع طاعة الخالق ورضاه ..
21 يونيو 2008 في الساعة 1:29 م•
موسعن صدره
حياك الله أخوي ..
ننتظر حلك للواجب ..
في حفظ الرحمن ..
21 يونيو 2008 في الساعة 6:16 م•
يســـلموووووووووو..
6 أسرار من أحلــى مايكوون..
21 يونيو 2008 في الساعة 6:43 م•
همس المشاعر هلا حبيبتي
كل الشكر لزيارتك ..
في حفظ الرحمن ..
21 يونيو 2008 في الساعة 10:12 م•
خربت عليكِ معليش
22 يونيو 2008 في الساعة 5:51 ص•
صباح الورد ع الغالية
معلش جايك واجب ثاني انتظري وألحين ما عندك عذر حنا ع أبواب الإجازة ..
^_^ في حفظ الرحمن ..
24 يونيو 2008 في الساعة 4:09 م•
[...] ندى الفجر ، [...]
24 يونيو 2008 في الساعة 5:06 م•
يا عيني
تصدقين انتي زيي في اول واحد
وامي دايم تقولي وش ذا كذا يحسبونك متكبره كثير ناس لما اقابلهم لاول مره يقولولي ويـــــــــــــن اول ما شفناك حسبناك مغروره وشايفه نفسك ودلوعه
خخخخخخخخخخ
الله يهديهم على طول يحكمون عالواحد
احس ….. ولا خلاص
24 يونيو 2008 في الساعة 5:34 م•
أعاند أحساسي
حياك الله ..
بالفعل الناس لهم الحكم من أول نظرة لكن انتي كوني لطيفة معاهم وبادليهم الحديث ^_^ بكل ذوق ولباقه ..
في حفظ الرحمن ..
25 يونيو 2008 في الساعة 3:23 م•
[...] ممرر من ندى الفجر / طفلة تحت المطر / [...]
1 يوليو 2008 في الساعة 7:37 ص•
يمكن يستغربون انك معلمة دين لأنهم تعودو انهم يشوفون معلمات الدين ” بلحيه ”
وانتي داقه هالسكسوكه
انا أقول يمكن
1 يوليو 2008 في الساعة 10:57 ص•
أخوي ابراهيم ..
حياك الله ..
لا وأنت الصادق تعودوا يشوفون معلمة الدين للأسف حالتها حاله وما في اهتمام طبعاً هذا البعض مش الكل
يفترض على المعلمه تكون مهتمة في نفسها وشكلها ولباسها في حدود المعقول وحتى البنات تنفتح نفسياتهم للدرس
شاكره حضورك ..
في حفظ الله ..
3 يوليو 2008 في الساعة 10:01 م•
:$ توني انتبه انك مررتي على الواجب
وانا حليت من قبل
شكرا على التمرير ياعسل
وانتي الحبوبة والله
29 يوليو 2008 في الساعة 6:33 م•
هلا مضيعة بيتهم (f)
لا شكر على واجب يا وخيتي
sd: