قرأت خبر من فتره مفاده أن بريطانيا ستمنع التدخين في الأماكن المغلقة والعامة منعاً باتاً .. وطبعاً هالخبر كالصاعقة على المدخنين واللي يبيعونه للناس ويترزقون من وراء الإضرار بالآخرين .. أنا أستغرب كيف يشرب الإنسان السم .. رغم أن هناك تحذيرات كثيرة في المجلات والصحف والتلفزيون وبرامج تعرض المواد اللي تتكون منه هالمادة السامّة .. !! لكنه بلوى .. !!

المهم عشان ما أطيل عليكم .. لما قرأت هالخبر تمنيت وقلت ليتنا بالسعودية وزارة الصحة تصدر مثل هالقرار لو شهر كمرحلة تدريبية للتقليل منه في جميع محافظات المملكة .. خاصة أنّ حنّا بالإجازة وفرصة تعمل حملة ويروج لها في الشوارع والمحلات والصحف والأعلام وتعمل بروشورات وكتيبات وحركات حلوه توزع في المقاهي والمطاعم والمجمعات للرجال .. سبحان الله ما ندري يمكن ربي يهدي واحد من هالميّه ويترك التدخين .. لكن اللي قاهرني ما في تحرك من المسئولين عندنا في محافظتنا الشرقية الله يصلحهم ..!! رغم اني قرأت خبر جميل في جريدة الحياة في عددها الصادر بتاريخ 14 جمادى الثانية 1428ه بأنه سيقام في هذا الشهر الملتقى الأول لشرح أضرار المخدرات والتدخين في 10 يوليو .. على كورنيش جدة .. الحقيقة سعدت بالمجهودات التي تقام في جدة خاصة أن عدد المدخنين في السعودية أكثر من ستة ملايين شخص .. !! وتنظم هذه الحملة الجمعية الخيرية للتوعية بأضرار التدخين والمخدرات في منطقة مكة المكرمة .. تحت شعار ” من أجل تنمية الوطن وصحة البدن ” .. ليت مثل هالحاجات الجميلة اللي تبني وطنا تكون في كل المحافظات وبشكل مدروس .. !!
بس كلمة أخيرة لكل مدخن .. أرحموا أنفسكم من هالسم ونظفوا رئتكم منه .. وعيشوا حياة نظيفة لكم ولمجتمعكم ..

الحقيقة مش عارفه كيف أبدأ .. فيني غصّة .. لكن أحياناً الواحد يكتب الألم حتى لو كان ينزف ومازال .. ؟! أنا اكتشفت اكتشاف خطير وهو أن الفلبينين والهنود وعامة الأجانب اللي يشتغلون في المطاعم والمقاهي والمحلات مش رجاجيل .. !! طلعوا ” حريم ” ممكن تتعجبون كيف عرفت هالشي وهذا شي خطير .. !! من اللي أشوفه ولسه علامات التعجب والدهشة والأستغراب مرسومه على ملامحي .. !!

يمكن اللي يقرأ خربشاتي في هالمقال المبعثر بيقول وش في هالبنت ..؟! طبعاً بلدنا ولله الحمد تمر بمرحلة التغيير والأنفتاح وحنا نشوف كثرة المقاهي والمطاعم الغريبة والمشهور منها .. وطبعاً مافي أحد ما يحب يغيّر ويرفه عن نفسه مابين فترة والثانيه مع الأهل والأصدقاء .. لكن اللي أشوفه من بعض بنات بلدي تغيّر ملحوظ لدرجة أن الواحد لما يشوفهم يقول ليه وبقوه .. ؟! تشوف البعض منهم جايه المقهى أو المطعم بكامل زينتها وتكون ” داقه لطمه “  أو كاشفه عن زينتها وحاطه ميك أب كامل تقول رايحه عرس وتضحك مع الجرسون وكأنه أخوها وبصوت عالي .. وأحياناً الوحده تكون جالسه جلسه غير لائقة حتى الأولاد ما يجلسونها واللي يحرق قلبي لما أشوف وحده ” صدرها ونحرها “ باين وهي ولا أهي هنا وعادي والفلبيني يطالع فيها وعيونه بتخرم صدرها ودي أقوم واقول لها : حبيبتي يا وخيتي وربي أنتي ربي عطاك هالجمال ليه تخلين هالوحوش تنهش فيه .. وفي فئة تكون متنقبه ولما تدخل المطاعم والكوفيات تكشف نقابها وتكون متزينه وتقول أبغى آكل على راحتي طيب إذا في بارتشن أطلبيه وإذا مافي هناك خيارات ثانيه ممكن أروح مكان فيه حاجز أو أظل في نفس المكان لكن بنقابي .. ؟!  طيب إذا أنتي بتكشفين هذا مش رجال اللي قادمك ولا حرمه !! أجل خلك كاشفه ولا تتغطين ولا الرجاجيل أصناف عندكم .. !! الحقيقه  أتنرفز والمكان اللي أكون جالسه فيه أحس أنه يخنقني ونفسي أطلع واتنفس الهوا النظيف .. والكل يقول لي هاذي هي الدنيا وأنتي ما تملكين تغيير الناس وهدايتهم .. ؟! منطق عجيب .. اللي ودي أقوله يا بنت بلدي .. يالغاليه  .. أعتزي بحجابك وبدينك وربي هو فخرك وروحي وتعالي وأنتي محترمه نفسك تنالين أحترام الآخرين حتى هالأجانب اللي ما يعرفون دينا يمكن نوصل لهم رسالة بأخلاقياتنا .. وربي الهادي لسواء السبيل ..